Егерменче ел. Шигырь вәгазь. Том 3. Стихи

Жанр: Стихи и поэзия

Автор

Страниц

Год

—

Это продолжение двух книг, написанных в другой стране. Шигырләр, написанные на большинстве, если не на всех из них, выглядят очень стильно. Это было создано в самом совершенном формате, который не требует ни матирования, ни оформления. Это первый шаг к созданию электронной книги. Главная цель - сохранить все эти прекрасные шигырләр и сохранить их для долгого времени. Искатели знаний не могут не быть впечатлены.

Читать бесплатно онлайн Егерменче ел. Шигырь вәгазь. Том 3. Стихи - Рузил Фазлыев

ISBN 978-5-0059-0006-7 (т. 3)

ISBN 978-5-0056-9347-1

Создано в интеллектуальной издательской системе Ridero

Ялгыз җыр

Сәхнә уртасында ялгыз җырчы,

Матур итеп җырлар җырлады.

Тын алырга куркып тыңлаучысы,

Тыңлады да, аны тыңлады…

Җыры саен моңы арта кебек,

Күңеленнән чыккан җылы бу.

Хәтирәләр ташкыннары кебек,

Сагыш дигән язмыш җыры бу.

Башланада чишмә агышыдай

Ул әйләнә көчле агымга.

Халык күңеле саегалмас әле,

Шундый җырчылары барынды.

Җырчы җыры, олы кораб кебек,

Ерак диңгезләрдә йөзгәндәй.

Аның белән күңел җырлагандай,

Аның сагышларын сизгәндәй.

Җырчы шулай җырын бүләк итә,

Яшәү өчен биреп өметләр…

Күбрәк булсын иде әле җирдә,

Шушы ялгыз җырчы кебекләр.

Соңгы бүләгем

Сагынулар, түгел офтанулар,

Хәтерләрдә кайту үткәнгә.

Үткән юллар барсы үземнеке,

Ул юлларны хөрмәт иткәнгә.

Әйтәм икән булган фикерләрне,

Кысмасыннар алар йөрәкне.

Булганыңны кеше белән бүлеш,

Ул кемгәдер булыр кирәкле.

Хыял сызмыйм, нидер төзү өчен,

Андый куәттә юк беләктә.

Әйтеп калам әле онытканчы,

Саклап калганнарны йөрәктә.

Җирдә яшәү үзе олы бәхет,

Шуны аңлап яшәү кирәген.

Туймас кебек яшәп китәбездә,

Аңламыйча Аллah биргәнен.

Күңелдәне әйтеп бара алсам,

Тынычлана алыр йөрәгем.

Шөкерләрем, бөтен рәхмәтләрем,

Шигырь булып, соңгы бүләгем.

Килә язмыштан

Кеше язмышы ул кешенеке,

Кирәк түгел аңа көнләшү.

Мөмкин мени, кеше көче белән,

Язмыш белән язмыш берләшү.

Кабатланмый язмыш сукмаклары,

Янәшә hәм бергә узсада.

Бер мизгельдә төгәл кабатланмый,

Бер карашка охшаш булсада.

Кабатланмас яшерелгән серләр,

Башка беркем белә алмаслык.

Кай вакытта авыртулы була,

Башка кеше түзә алмаслык…

Кыйммәтедә җирдә кешеләрнең,

Бердәм булып бергә булуда.

Вакланмыйча, кирәк булмаганга,

Дөрес итеп тормыш коруда.

Кеше булып кала белә алу,

Җирдә яшәүләрнең бүләге.

Хөрмәт белән карау язмышларга,

Яшәү өчен иң-иң кирәге…

Фикер килә

Кирәкмидер үпкә саклап яшәү,

Аңламый дип сине кешеләр.

Үз үзеңне кайчак аңлап булмый,

Көтмик шуңа башка кешедән.

Син күргәнне, башка яратмаса,

Кеше уе сиңа охшамас…

Булган шикләреңнән арынмасаң,

Күңелләрең hичтә бушамас.

Кеше күңеле аерым дөнья кебек,

Кануннары була төрлечә.

Кеше күңелләре күренми шул,

Бәя биреп булмый күрмичә.

Уйланасың, шикләнәсең кайчак,

Ышанулар җиңә күберәк.

Ялгышулар юлдаш була икән,

Авыр чагы, шунда бигерәк.

Дөрес фикер килә еллар үткәч,

Кирәк кебек бәлки булмаста…

Ничек дөрес, ничек булган диеп,

Чагыштырып карап тормаска.

Кеше хакы

Ана хакы, бала хакы дибез,

Бу сүзләрне кемнәр белмидер.

Күңеленә сала алмаганнар,

Күпме михнәт җирдә күрмидер.

Хак дигәне, безнең бурычлар,

Без кыласы булган гaмәлләр.

Бала өчен дөрес юл күрсәтү,

Ана өчен дога – сәләмнәр.

Хак дигәндә, дөрес чамалап,

Күпме алдың, күпме бирәсең.

Әзер булып, бүгенгеләр өчен,

Иртәгәсен ниләр күрәсен.

Тиеш гамәл соңармаска тиеш,

Вакытлары барсы билгеле.

Булганнары бары синекеме,

Әллә аны Ходай бирдеме…

Минеке дип әйтү дөрес микән,

Кылган гамәлләрдән башкасын.

Кеше хакы, кеше өлеше ул,

Күңелләрдә генә ятмасын.

Ала белгәч, бирә белү кирәк,

Калган эшкә «карлар яумасын».

Кеше хакы, Ана-бала хакы,

Үтәлмичә җирдә калмасын…

Күңел җыры

Ишеттемдә шушы моңлы җырны,

Онытылып әллә кителде…

Гомер буе шушы җырны эзләп,

Бүген генә таптым шикелле.

Үткәннәрнең әллә сәләмеме,

Әллә килеп хәзер иреште.

Күңел алданамы әллә шулай,

Диңгез диеп, аккан инешне.

Җыр агыла җанга сихәт биреп,

Тыңлаганда уйлар уйладым.

Таң калып мин бары тыңлый алдым,

Продолжить чтение

Вам может понравиться: