Все жанры Все авторы
Молитвы на святые праздники - Виктория Шевченко

Молитвы на святые праздники

Страниц

80

Год

2014

Молитва – это неотъемлемая составляющая человеческой связи с высшими силами, сокрытыми за пределами нашего видимого мира. Через нее мы находим душевный покой и благодаря божественной поддержке справляемся с преградами, страданиями и недугами. Молитва является источником умиротворенных мыслей, помогающих нам принимать мудрые решения в будни и праздники, смягчает душевные терзания и научает нас искренней, достойной жизни, служащей примером для окружающих. Она вносит огромную пользу в нашу жизнь, но для этого необходимо иметь веру и молиться с искренним, чистым сердцем. Послушная молитва Богу, Божией Матери и святым никогда не останется без ответа. Пусть она всегда будет вашей надежной спутницей на жизненном пути. В данной книге представлены молитвы, посвященные различным христианским праздникам (постоянным и подвижным) в соответствии с церковным календарем. Таким образом, она станет ценным руководством в вашем стремлении к близости с Богом и духовному развитию.

Читать бесплатно онлайн Молитвы на святые праздники - Виктория Шевченко

Акафисты двунадесятым праздникам

Акафист Рождеству Пресвятой Богородицы

(21 сентября)

Кондак 1-й

Избранней от человеческого рода и рождшейся от неплодове, Пречистей Деве Марии составим похвалу, яко Рождеством Ея начало спасения нашего бысть и пришествие в мир Избавителя возвестися. Темже радостно Ей возопиим: Радуйся, Пречистая Дево, Материю Спасителя мира от века предъизбранная.

Икос 1-й

Ангел небесный предстояй пред Богом, послан бысть к праведным Иоакиму и Анне возвестити им радость велию, яко по неплодствии своем имут родити Дщерь Преблагословенную, от Неяже всему миру радость произыдет. Темже и мы, радости сея причастницы, похвальная песни Деве воспоем: Радуйся, в Троичном Совете Материю Сына Божия от века предъизбранная; радуйся, древними пророками с патриархи многообразне в образех и сенех прообразованная. Радуйся, вящшие пяти тысящ лет от создания мира рабы Божиими, яко Матерь Избавителя, ожиданная; радуйся, в видении Иакову лествицы, яко Божие к человеком снизшествие, предуказанная. Радуйся, неопалимою купиною в пустыни Синайстей Моисеом виденною, предвозвещенная; радуйся, Чермным морем Израилю сух путь давшему, фараона же потопившему, образне преднаписанная. Радуйся, написатися нам в книзе Живота Вечнаго пособствующая; радуйся, Царствия Небеснаго невозбранный вход нам ходатайствующая. Радуйся, Пречистая Дево, Материю Спасителя мира от века предъизбранная.

Кондак 2-й

Видяще праведнии Иоаким и Анна явльшагося им Ангела, возвещающа Рождество Твое, Пресвятая Дево, возблагодариша Бога, призревшаго отъяти поношение безчадия их, и всем сердцем тепле возопиша: Аллилуиа.

Икос 2-й

Разум Божественнаго строительства и на землю снизшествия Своего Всеблагий Господь исполнити начиная, посланием Ангела Своего возвестити Иоакиму и Анне о Рождестве Твоем, Пресвятая Дево. Темже вопием Ти хвалебно: Радуйся, разума Божественнаго проявление; радуйся, дивнаго смотрения Его исполнение. Радуйся, древле предуставленная послужити воплощению Сына Божия; радуйся, от всех родов в жилище всех Царя избранная. Радуйся, еще в раи изречением искусителю змию о положении вражды между тем и Женою и Семенем Ея предуказанная; радуйся, по исполнении времен от неплодове изволением Божиим славне произшедшая. Радуйся, род человеческий Рождеством Своим возвеселившая; радуйся, сетование чаявших утехи Израилевы на радость преложившая. Радуйся, Пречистая Дево, Материю Спасителя мира от века предъизбранная.

Кондак 3-й

Сила Вышняго разреши неплодство заматоревшия во днех своих праведныя Анны: зачат бо Тя, Пречистая, и, чая Твоего рождения, радостно пояше Богу Израилеву хвалебную песнь: Аллилуиа.

Икос 3-й

Имущая безмужно родити Спасителя душ и телес наших, Ты и Сама, яко чудо пред велиим и непостижимым чудесем, от неплодных родителей славно родися, Пресвятая Дево. Темже воспеваем Ти сице: Радуйся, от корене Иессеова и Давидова произшедшая; радуйся, от неплодных ложесн праведныя Анны дивно прозябшая. Радуйся, пророчеством Исаии прежде лет древних Дева-Матерь явленная; радуйся, по обетованию Ангела рожденная. Радуйся, скиниею свидения и Ковчегом завета прообразованная; радуйся, процветшим жезлом Аароновым образне предзнаменованная. Радуйся, прежде Рождества Твоего в Матерь Богу Слову освященная и предуготованная. Радуйся, Пречистая Дево, Материю Спасителя мира от века предъизбранная.

Вам может понравиться: