Святитель Филарет, митрополит Московский и Коломенский, чудотворец. Служба, житие

Жанр: Житийная литература / Акафисты / Книги для священнослужителей

Автор

Страниц

Год

2004

Святитель Филарет: великий угодник Божий и богомудрый учитель Церкви Русской, который жил во времена испытаний для Российской державы. Век умственного брожения и нападков на Православие не сломил его веру - он отразил посягательства на веру и церковь. Святитель прослужил более полувека в царствования трех императоров, в этот период продолжая укреплять церковную жизнь и продолжая традиции православного иночества.

Читать бесплатно онлайн Святитель Филарет, митрополит Московский и Коломенский, чудотворец. Служба, житие - Сборник, Александр Иванович Яковлев

По благословению Святейшего Патриарха Московского и всея Руси АЛЕКСИЯ II

Служба святителю Филарету, митрополиту Московскому и Коломенскому, чудотворцу

Память его совершается 19 ноября[1]

На малей вечерни

На Господи, воззвах: стихиры на 4, глас 1.

Подобен: Небесных чинов:

От юности пристанища немятежнаго взыскал еси,/ в многомятежнем мире пребывая, святе Филарете,/ и суеты земныя молитвою избегл еси./ Во святителех монашески пожив,/ в монасех архиерей изряден был еси,/ моли о всех, любовию блажащих тя.

Тайну явльшагося Бога проповедуя/ и священныя книги изъясняя,/ святе Филарете,/ словом Божиим насыщал еси люди алчущия,/ да познают Истину/ и уразумеют, яко благ Господь.

Годину гнева будущаго о отечестве нашем/ дарова тебе Господь предзрети, святителю Филарете,/ сего ради, скорбный плач подъем,/ веру крепку в милосердие Господне о России хранил еси,/ и ныне у Престола Божия/ усердно молишися о спасении ея.

Духом провидел еси, святителю Филарете,/ будущая Земли Российския,/ мраком объятая и браней исполненная,/ и за преумножение беззакония любве умаленная,/ темже молился еси усердно/ вере Православней непоколебимей пребывати.

Слава, глас 6:

Филарета Милостиваго подражателя,/ всея Руси молитвенника,/ святых подвижников собеседника,/ сирот Серафимовых заступника,/ старцев Оптинских покровителя,/ скитов и обителей устроителя,/ учителей учителя, царей наставника,/ Ангелов сликовника во Царствии Небеснем,/ архиерея Божия Филарета досточуднаго,/ приидите, братие, восхвалим священнолепно.

И ныне, Богородичен:

Богородице, Ты еси Лоза истинная:

На стиховне стихиры, глас 7:

Преподобным подвиги твоими уподобился еси,/ чудотворцем древним – благодатию,/ учителем вселенским – богомудрием,/ первосвятителем Московским – правлением правым,/ Филарете приснославный.

Стих: Священницы Твои облекутся в правду/ и преподобнии Твои возрадуются.

Простецем отец милосердный был еси,/ пастырем – архипастырь истинный,/ иноком – авва богомудрый,/ святителем – образ веры и благочестия,/ Филарете благоискусный.

Стих: Блажен муж, бояйся Господа,/ в заповедех Его восхощет зело.

При триех земных царех святительствуя,/ единому же Царю Небесному служил еси,/ славу человеческую ни во чтоже вменяя,/ иго Христово преславно понесл еси,/ Филарете неботечный.

Слава, глас 8:

Украшение Церкве Христовы/ и Российских святых похвалу,/ прославляем тя днесь, святителю Филарете,/ и молим усердно:/ яко предстоиши у Престола Небеснаго Царя/ и дерзновенное ходатайство имаши,/ моли спастися душам нашим.

И ныне, Богородичен, глас тойже.

Подобен: О, преславнаго чудесе:

О, преславнаго чудесе!/ Небесе и земли Царица,/ от святых сродников наших умоляемая,/ до ныне Землю Русскую покрывает/ и лика Своего изображении милостивно обогащает./ О, Владычице Державная!/ Не престани и на будущее время/ во утверждение на Руси Православия/ милости и чудеса изливати до века. Аминь.

Тропарь, глас 4:

Духа Святаго благодать стяжав,/ богомудре святителю Филарете,/ истину и правду разумом просвещенным/ людем проповедал еси,/ мир и милость сердцем умиленным/ страждущим явил еси,/ яко учитель веры и страж неусыпный/ паству российскую жезлом правости сохранил еси./ Сего ради дерзновение ко Христу Богу имея,/ моли даровати Церкви утверждение/ и душам нашим спасение.

Продолжить чтение

Вам может понравиться: