Акафист святой блаженной Матроне Московской

Жанр: Христианство / Православные молитвы

Автор

Страниц

Год

2014

Великодушная Матронушка всегда безвозмездно оказывала помощь людям, ни о чем не просила. В своих молитвах Матронушка всегда говорила громко. Близкие знакомые рассказывают, что эти молитвы были известными и читались как в храме, так и дома. Среди них были заглавная молитва "Отче наш", "Да воскреснет Бог", девяностый псалом и "Господи Вседержителю, Боже сил и всякия плоти" из утренних молитв. Она всегда подчеркивала, что помощь приходит не от неё, а от Бога через её молитвы. "Что, Матронушка - может быть Богом? Нет, Бог помогает!"

Читать бесплатно онлайн Акафист святой блаженной Матроне Московской - Сборник

Рекомендовано к публикации Издательским Советом Русской Православной Церкви

ИС 13-305-0399

Кондак 1

Избра́нная Ду́хом Бо́жиим от пеле́н младе́нческих, блаже́нная ста́рице Матро́но, слепоту́ и не́мощь теле́сную ко очище́нию духо́вному от Бо́га прия́вшая, да́ром прозре́ния и чуде́с обогати́лася еси́ и венце́м нетле́нным от Го́спода украси́лася еси́. Сего́ ра́ди и мы благода́рне вене́ц похва́льный при но́сим ти, вопию́ще:

Ра́дуйся, пра́ведная ма́ти Матро́но, те́плая о нас к Бо́гу моли́твеннице.

Икос 1

А́нгел во пло́ти яви́лася еси́ на земли́, Матро́но блаже́нная, исполня́ющи во́лю Бо́жию. А ще рождество́ твое́ в слепоте́ те ле́сней бысть, но Госпо́дь, умудря́яй слепцы́ и любя́й пра́ведныя, просвети́ духо́внеи о́чи твои́, да послу́жиши лю́дем и дела́ Бо́жии я́вятся чрез тебе́.

Мы же с любо́вию вопие́м ти такова́я:

Ра́дуйся, от младе́нчества Бо́гом избра́нная; ра́дуйся, благода́тию Ду́ха Свята́го от пеле́н осене́нная.

Ра́дуйся, да́ром чуде́с измла́да обогаще́нная; ра́дуйся, прему́дростию от Бо́га свы́ше испо́лненная.

Ра́дуйся, мы́сленныма очи́ма во́лю Бо́жию прозира́ющая; ра́дуйся слепотству́ющих умо́м мудрецо́в ве́ка сего́ посрамля́ющая.

Ра́дуйся, ду́ши за блу́ждшия к Бо́гу приводя́щая; ра́дуйся, ско́рби и печа́ли утоля́ющая.

Ра́дуйся, пра́ведная ма́ти Матро́но, те́плая о нас к Бо́гу моли́твеннице.

Кондак 2

Ви́дяще лю́дие и иере́й, егда́ креща́ше тя, блаже́нная, чу́дный столп о́блачный над главо́ю твое́ю и обоня́вше благоуха́ние ве́лие, дивля́хуся, что у́босия́ отрокови́ца бу́дет, пою́ще Бо́гу: Аллилуия.

Икос 2

Ра́зум име я просвеще́нный, иере́й Бо́жий Васи́лий позна́, я́ко креща́емая от него сосу́д благода́ти Бо́жия есть, и тя, пра́ведная Матро́но, отрокови́цу свя́ту нарече́. От на́шего же усе́рдия прино́сим ти похвалы́ сия́:

Ра́дуйся, во святе́й купе́ли благода́тию Свята́го Ду́ха облагоуха́нная; ра́дуйся, на пе́рсех твои́х крест запечатле́нный име́вшая.

Ра́дуйся, моли́твеннице, от Бо́га лю́дем дарова́нная; ра́дуйся, свеще́ неугаси́мая, пред Го́сподем сия́ющая.

Ра́дуйся, да́ром чудо творе́ния от Бо́га просла́вленная на земли́; ра́дуйся, венце́м не увяда́емым от Го́спода увенча́нная на Небеси́.

Ра́дуйся, ми́лости Бо́жия гре́шным возвеща́ющая; ра́дуйся, от исто́чника воды́ живы́я жа́ждущия напая́ющая.

Ра́дуйся, пра́ведная ма́ти Матро́но, те́плая о нас к Бо́гу моли́твеннице.

Кондак 3

Си́лу Бо́жия благода́ти ощуща́ющи, еще́ во младе́нчестве су́щи, Матро́но блаже́нная, ко ико́нам святы́м устремля́лася еси́, и чи́стым се́рдцем и младе́нческими усты́ хвалу́ Бо́гу возглаша́ла еси́: Аллилуия.

Икос 3

Иму́щи от Бо́га дар прозре́ния изде́тска, блаже́нная ма́ти, сокрове́нная серде́ц приходя́щих к тебе́ ве́дущи, и о́ным бу́дущая, я́ко настоя́щая сказу́ющи, мно́гия лю́ди на путь благоче́стия направля́ла еси́. Темже прославля́юще Бо́га, умудря́ющаго слепцы́, вопие́м ти си́це:

Ра́дуйся, ди́вная прови́дице; ра́дуйся, сокрове́нных грехо́в обличи́тельнице.

Ра́дуйся, помраче́нных душе́ю пресве́тлая наста́внице; ра́дуйся, заблу́ждших ми́лостивая путеводи́тельнице.

Ра́дуйся, звездо́, ве́рным путь указу́ющая; ра́дуйся, свеще́, во тьме ве́ка сего́ светя́щая.

Ра́дуйся, Еди́ному Бо́гу послужи́вшая; ра́дуйся, ко́зни диа́вольския благода́тию Ду́ха Свята́го попра́вшая.

Ра́дуйся, пра́ведная ма́ти Матро́но, те́плая о нас к Бо́гу моли́твеннице.

Продолжить чтение

Вам может понравиться: