Все жанры Все авторы
Акафист Пресвятой Богородице перед иконой Ее «Неупиваемая Чаша» - Сборник

Акафист Пресвятой Богородице перед иконой Ее «Неупиваемая Чаша»

Автор

Страниц

10

Год

—

В 1878 году произошло удивительное явление - первообраз иконы Божией Матери «Неупиваемая Чаша». История началась с крестьянина из Тульской губернии, который был заслуженным отставным солдатом, но одержим страстью к пьянству. Он проиграл всю свою пенсию, распивал все запасы в доме и был на грани нищеты. Но именно в этот момент произошло чудо - икона «Неупиваемая Чаша» явилась ему во сне. Это событие изменило его жизнь навсегда и стало началом новой главы в его судьбе.

Явление иконы привлекло множество паломников и верующих, желавших узнать больше об этом удивительном случае. Место, где произошло чудо, стало местом паломничества и молитв. С тех пор икона «Неупиваемая Чаша» стала символом веры и надежды для многих людей, история которой до сих пор вдохновляет и восхищает.

Читать бесплатно онлайн Акафист Пресвятой Богородице перед иконой Ее «Неупиваемая Чаша» - Сборник

© Религиозная организация «Данилов ставропигиальный мужской монастырь Русской Православной Церкви (Московский Патриархат)», оформление, верстка, 2017

* * *

Акафист

Пресвятой Богородице перед иконой Ее «Неупиваемая Чаша»

Кондак 1

Изря́дное и ди́вное вспоможе́ние нам дарова́ся, образ Твой честны́й, Богоро́дице Де́во, яко изба́вльшеся явле́нием его́ неду́гов душе́вных и теле́сных и ско́рбных обстоя́ний, благода́рныя хвалы́ прино́сим Ти, Всеми́лостивая Засту́пнице. Ты же, Госпоже́ приклони́ся благоутро́бно к на́шим воздыха́нием и во́плем серде́чным, и исцеле́ние пода́ждь стра́ждущим, да с ве́рою воззове́м Ти:

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Икос 1

Ангельстии чи́ни и пра́ведников со́нми непреста́нно сла́вят Тя, Цари́цу Богоро́дицу, Хода́таицу о ро́де челове́честем, в беззако́ниих погруже́ннем и во гресе́х пребыва́ющем, да́руеши бо нам во утеше́ние и спасе́ние ми́лость Свою́ чрез чудотво́рныя ико́ны Твоя́ ихже, яко зве́зды небе́сныя, по всей земли́ на́шей зрим. Ко еди́ному же от сих образо́в, Неупива́емая Ча́ша имену́емому, припа́дающе, из глубины́ се́рдца взыва́ем Ти:

Ра́дуйся, непристу́пнаго Божества́ селе́ние; ра́дуйся, непреста́нное челове́ков удивле́ние.

Ра́дуйся, скорбьми́ грехи́ на́ша очища́ющая; ра́дуйся, печа́льми на́ша не́мощи врачу́ющая.

Ра́дуйся, ми́лость Свою́ нам свы́ше посыла́ющая; ра́дуйся, ско́рбная сердца́ на́ша веселя́щая.

Ра́дуйся, пречу́дное всех с Бо́гом примире́ние; ра́дуйся, му́ки ве́чныя изве́стное избавле́ние.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Кондак 2

Ви́дящи, Пречи́стая Влады́чице, ско́рби серде́чныя, му́ки душе́вныя, покая́ние искреннее челове́ков, губи́тельным поро́ком пия́нства одержи́мых, благоволи́ла еси́ дарова́ти богоспаса́емому гра́ду Се́рпухову ми́лость Твою́ явле́нием пречу́днаго образа Твоего́ да вси, с ве́рою и сокруше́нным се́рдцем к нему́ припа́дающии и исцеле́ние от тя́жкаго неду́га своего́ обрета́ющии, усе́рдно вопию́т Бо́гу: Аллилу́ия.

Икос 2

Разуме́в трикра́тное явле́ние преподо́бнаго Варлаа́ма и повеле́ние от него́ во гра́д Се́рпухов ше́ствовати, челове́к не́кий, стра́стию пия́нства одержи́мый, обре́те та́мо в монастыре́ ико́ну Твою́ святу́ю, Неупива́емая Ча́ша имену́емую. Мы же, ви́дяще таково́е о нас, гре́шных, попече́ние, со благогове́нием воспева́ем Ти такова́я:

Ра́дуйся, сла́ву чуде́с Твои́х гре́шным открыва́ющая; ра́дуйся, Путеводи́тельнице, путь благи́й им явля́ющая.

Ра́дуйся, ко спасе́нию нас привлека́ющая; ра́дуйся, благодаре́нию нас науча́ющая.

Ра́дуйся, ско́рби на́шея в ра́дость претворе́ние; ра́дуйся, несумне́нною наде́ждою возвеселе́ние.

Ра́дуйся, губи́тельныя стра́сти потребля́ющая; ра́дуйся, благи́м наме́рением посо́бствующая.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Кондак 3

Си́ла Вы́шняго благода́тию Влады́чицы укрепи́ не́коего челове́ка, неду́гом пия́нства стра́ждущаго, егда́ той, разсла́блене имы́й но́зе, потща́ся гра́да Се́рпухова дости́гнути, повеле́ние Богоро́дицы, чрез преподо́бнаго Варла-́ ама рече́нное, исполня́я. Обре́т же во гра́де сем ико́ну Пречи́стыя Богома́тере, абие исцеле́ от неду́га своего́ душе́внаго и теле́снаго, и с тре́петом воззва́ Бо́гу: Аллилу́ия.

Икос 3

Иму́ще исто́чник неоскудева́емый, неупива́емую ча́шу небе́сных дарова́ний, не то́кмо лю́дие гра́да Се́рпухова, но и вси правосла́внии христиа́не от ины́х градо́в и ве́сей, к Твоему́ пречу́дному образу притека́юще и пред сим исцеле́ния обрета́юще, благода́рными усты́ вопию́т Ти си́це:

Вам может понравиться: