Акафист Божией Матери пред иконой Ее, именуемой «Неупиваемая чаша»

Автор

Страниц

Год

2011

Книга излагает историю пречудотворного образа "Неупиваемая Чаша", данного Всемилостивой Заступнице Богородице для избавления от душевных и телесных недугов. Автор также описывает покаяние и сокрушение людей, одержимых губительным пороком пьянства, которые обратились к Богородице и получили исцеление от своих недугов благодаря этому образу. Дано краткое содержание Кондаков 1 и 2, в которых восхваляется Богородица как Неупиваемая Чаша, которая утоляет духовную жажду и исцеляет скорби и немощи сердец.

Читать бесплатно онлайн Акафист Божией Матери пред иконой Ее, именуемой «Неупиваемая чаша» - Сборник

По благословению

Митрополита Санкт-Петербургского и Ладожского

ВЛАДИМИРА

Кондак 1

Избра́нное и ди́вное избавле́ние нам дарова́ся Твой о́браз честны́й, Влады́чице Богоро́дице, я́ко изба́вльшеся явле́нием его́ от неду́гов душе́вных и теле́сных и ско́рбных обстоя́ний, благода́рственная хвале́ния прино́сим Ти, Всеми́лостивая Засту́пнице. Ты же, Влады́чице, «Неупива́емою Ча́шею» на́ми имену́емая, приклони́ся благоутро́бно к на́шим воздыха́нием и во́плем серде́чным и избавле́ние пода́ждь стра́ждущим неду́гом пиа́нства, да с ве́рою воззове́м Ти:

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Икос 1

А́нгельстии чи́ни и пра́ведников со́нми непреста́нно сла́вят Тя, Цари́цу Богоро́дицу, Хода́таицу о многогре́шнем ро́де христиа́нстем, погря́зшем в беззако́ниих и пребыва́ющем во гресе́х, и́бо во утеше́ние и спасе́ние да́руеши ему́ ми́лость Свою́ чрез многоиме́нныя чудотво́рныя ико́ны Твоя́, и́хже, я́ко зве́зды небе́сныя, по всей земли́ на́шей зрим; к еди́ному же из сих о́бразов, «Неупива́емая Ча́ша» имену́емому, припа́дающе, из глубины́ се́рдца взыва́ем Ти:

Ра́дуйся, непристу́пнаго Божества́ селе́ние; ра́дуйся, непреста́нное люде́й удивле́ние.

Ра́дуйся, скорбьми́ грехи́ на́ша очища́ющая; ра́дуйся, печа́льми на́ша не́мощи врачу́ющая.

Ра́дуйся, ми́лость Свою́ чрез чудотво́рныя ико́ны Твоя́ нам свы́ше посыла́ющая; ра́дуйся, явле́нием их ско́рбная сердца́ на́ша возвеселя́ющая.

Ра́дуйся, пречу́дное всех с Бо́гом примире́ние; ра́дуйся, гее́нны ве́чныя избавле́ние.

Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.

Кондак 2

Ви́дящи, Пресвята́я Влады́чице, ско́рби серде́чныя, му́ки душе́вныя, и́скреннее покая́ние люде́й, одержи́мых губи́тельным поро́ком пиа́нства, благоволи́ла еси́ яви́ти богоспаса́емому гра́ду Се́рпухову ми́лость Свою́ явле́нием пречу́днаго о́браза Своего́ «Неупива́емая Ча́ша», да вси к нему́ припа́дающии с ве́рою и сокруше́нным се́рдцем, получи́вше исцеле́ние от тя́жкаго неду́га своего́, из глубины́ души́ вопию́т Бо́гу: Аллилу́иа

Продолжить чтение

Вам может понравиться: