Все жанры Все авторы
Домострой - Народное творчество

Домострой

Страниц

25

Год

—

«Домострой» - это уникальный литературный памятник, содержащий в себе мудрые советы и правила, охватывающие все сферы жизни человека - от семейных и хозяйственных дел до общественных и религиозных вопросов. Этот сборник, написанный предположительно протопопом Сильвестром в XVI веке, представляет собой гармоничное сочетание народного и церковнославянского языков, что делает его уникальным явлением в литературе. Благодаря «Домострою» современные исследователи получают возможность глубже понять укоренившиеся в истории Руси культурные традиции и ценности.

Читать бесплатно онлайн Домострой - Народное творчество

ГЛАВА 1

НАКАЗАНИЕ ОТЦА К СЫНУ

Благословляю аз многогрешный (им. рек) и поучаю и наказую и вразумляю единочадаго сына своего, (им. рек) и его жену, и их домочадцев быти во всяком христианском законе, и во всякой чистей совести и в правде; с верою творяще волю Божию, и храняще заповеди Его; себе утвержающе во всяком страхе Божии и в законом жительстве; и жену поучающе, тако ж и домочадцев своих наказующе не нуждою, ни ранами, ни работою тяжкою; имеюще яко дети, во всяком покое, – сыты и одеты, и в теплом храму и во всяком устрои. И вдаю вам христианскому жительству писание на память и вразумление вам и чадом вашим. Аще сего моего писания не внемлюще, и нашего наказания не слушаете, и по тому не учнете жити, и не тако творити, якоже есть писано, – сами за себя ответ дадите в день страшнаго суда; а аз вашим винам, и греху не причастен, кроме моея душа; аз о всяком благочинии благословлял, и плакал и молил, и писание предлагал; и аще восприимете сие мое худое учение и грубое наказание со всею чистотою душевною и прочитая, прося у Бога милости и помощи и разума поелико возможно, как вас Бог вразумит и начнете делом творити вся сия: будет на вас милость Божия и пречистыя Богородицы и всех святых и наше благословение от ныне и до веку; и дом ваш, и чада ваши, и стяжание ваше, и обилие, что вам подаровал Бог от нашего благословение и от своих трудов да будет благословенно во всяких благих во веки аминь.

ГЛАВА 2

КАКО ВЕРОВАТИ ХРИСТИАНАМ ВО СВЯТУЮ ТРОИЦУ, И ПРЕЧИСТУЮ БОГОРОДИЦУ, И КРЕСТУ ХРИСТОВУ И СВЯТЫМ НЕБЕСНЫМ БЕЗПЛОТНЫМ СИЛАМ[1] И ВЕЛИКОМУ ВО ПРОРОЦЕХ ИОАННУ ПРЕДТЕЧИ[2] И ВСЕМ СВЯТЫМ И ЧЕСТНЫМ[3] ИХ МОЩЕМ ПОКЛОНЯТИСЯ

Подобает убо всякому христианину по Бозе жити, в православной вере християнской. Первое убо: от всея душа и от всего помышления и всеми чювствы, теплою верою веровати во имя Отца и Сына и святаго Духа в неразделимую Троицу; и в воплощение Господа нашего Исуса Христа сына Божия веруй. Рождьшую его матерь – Богородицу нарицай; Кресту же Христову с верою покланяйся, яко на том, всем человеком[4] спасение содела Господь; иконе же Христове, и пречистой его матери, и Святым небесным безплотным силам, и всем святым честь верою воздавай; яко самем любовь[5] в молитве ее глаголи, и поклонение твори, и на помощь к Богу призывай их; мощи ж Святых с верою целуй и покланяйся им.

ГЛАВА 3

КАКО ТАЙНАМ БОЖЬИМ ПРИЧАЩАТИСЯ И ВЕРОВАТИ ЯКО БУДЕТ В0СКРЕСЕНИЕ МЕРТВЫМ, И СТРАШНАГО СУДА ЧАЯТИ, И КАКО КАСАТИСЯ СВЯТЫНИ ВСЯКИЯ

Тайнам Божьим веруй, телу и крови его верою[1] причащайся и со страхом, на очищение и на освящение души[2] и телу и во оставление грехов и во жизнь вечную. Веруй быти воскресению мертвых и жизни будущаго века. Помяни страшный суд и воздание по делом будет нам; аще когда преочистив себе духовне, в чистей совести коснутися и с молитвою и молением целовати животворящий крест, и Святыя, честныя и чюдотворныя образы, и многоцелебныя мощи: по молении прекрестяся поцеловати дух в себе удержав, а губаше не плескати[3]. А благоволит Бог[4]причаститися Божественных[5] тайн, ино лжицею, от иерея приемля во уста опасно: губами не сверкати, руце имея ко персем согбени крестообразно[6], а дора, и просфира, и всякая святая вкушати бережно с верою и со страхом, крохи на земь не уронити, а зубом[7] не кусати, яко же прочии хлебы; уломываючи кусовцем[8], класти в рот, а ясти зубами[9] и ртом не плескати[10], а просфиры с вологою не ясти токмо вода прихлебывати[11] или вина служебнаго в укроп прибавити; а иного ничего не примешивати, а преж всякия ествы вкушается[12] просфира в церкви или в дому; а с кутиею ни како ж просфиры[13] ни каноном, и ни с какою вологою не вкушати; ни на кутию просфиры не класти. Аще с кем о Христе целование сотворити, також – дух в себе удержав поцеловатися; а губами не плескати, поразсуди человеческия немощи, нечювственаго духа гнушаемся хмелнаго, чесночнаго, болнаго и всякаго смрада; толь[14] мерзко Господеви наш смрад и обоняние; сего ради со опасением сие творите.

Вам может понравиться: