Акафист Пресвятой Богородице в честь иконы Ее «Всецарица»

Жанр: Религиозные тексты / Православные молитвы / Акафисты

Автор

Страниц

Год

—

С XVII века известна чудотворная икона Божией Матери, именуемая «Всецарица» или «Пантанасса». Этот святой образ находится в древнем Ватопедском монастыре на Святой Горе Афон. Название "Всецарица" указывает на особую, всеобъемлющую силу, которой обладает икона. Легенда хранит рассказ о первом чуде, произошедшем с этим святым образом.

Добавлено: Ватопедский монастырь является одним из древнейших и крупнейших монастырей на Святой Горе, он считается одним из центров православного монашества. Икона «Всецарица» считается одной из самых почитаемых на Афоне, к ней обращаются верующие со всего мира с молитвами о помощи и исцелении.

Читать бесплатно онлайн Акафист Пресвятой Богородице в честь иконы Ее «Всецарица» - Сборник

* * *

Акафист

Пресвятой Богородице в честь иконы Ее «Всецарица»

Кондак 1

Новоя́вленней Твое́й ико́не предстоя́ще ве́рнии уми́льно, воспева́ем Ти, Всецари́це, раби́ Твои́; низпосли́ цельбы́ к Тебе́ притека́ющим, да вси ра́достно зове́м Ти:

Ра́дуйся, Всецари́це, неду́ги на́ша благода́тию исцеля́ющая.

Икос 1

Ангел предста́тель с Небесе́ сшед, рече́ Всецари́це: ра́дуйся́ И боговеща́нным гла́сом воплоща́ема Тя зря, Го́споди, возопи́ к Ней такова́я:

Ра́дуйся, глави́зно на́шего спасе́ния; ра́дуйся, исполне́ние Зижди́телева смотре́ния.

Ра́дуйся, яко Тобо́ю Бог воплоти́ся; ра́дуйся, яко Неви́димый в Тебе́ изобрази́ся.

Ра́дуйся, Ми́лость ми́ра внутрь при-́ явшая;

ра́дуйся, одея́ние пло́ти Сло́ву истка́вшая.

Ра́дуйся, уму́ непости́жная го́рняя сла́во;

ра́дуйся, сердца́ оживи́вшая небе́сная ма́нно.

Ра́дуйся, звездо́ благода́ти сия́ние; ра́дуйся, исто́чниче, живы́я воды́ излия́ние.

Ра́дуйся, Богоро́дице, в жена́х благослове́нная;

ра́дуйся, ро́ждшая Спа́са Де́во нетле́нная.

Ра́дуйся, Всецари́це, неду́ги на́ша благода́тию исцеля́ющая.

Кондак 2

Безнача́льное Сло́во Отроча́ мла́до Тобо́ю бысть, исцеле́ния подая́ Тя, Де́во, чту́щим и неизрече́нное Его́ Рождество́ воспева́ющим: Аллилу́ия.

Икос 2

Ра́зум недоразумева́емый разуме́ти Де́ва ищущи, возопи́ к служа́щему: «Я́ко Отрокови́ца чи́стая, ка́ко бу́ду Вы́шняго Ма́ти – изъясни́ Ми?». К Ней же Гаври-и́л рече́ со стра́хом, зовы́й такова́я:

Ра́дуйся, Сове́та Вы́шняго избра́ннице;

ра́дуйся, гла́са моля́щихся скоропослу́шнице.

Ра́дуйся, Сокро́вище Христо́ва ми́ра; ра́дуйся, люде́й Твои́х наде́ждо и си́ло. Ра́дуйся, ра́ковыя язвы ди́вная губи́тельнице;

ра́дуйся, про́чих боле́зней исцели́тельнице.

Ра́дуйся, еди́ное ми́ру заступле́ние; ра́дуйся, ве́рное в ско́рбех избавле́ние.

Ра́дуйся, плач и сле́зы при́сно утоля́ющая;

ра́дуйся, спасе́ния вхо́ды всем отверза́ющая.

Ра́дуйся, держа́вный покро́ве Афо́н населя́ющих;

ра́дуйся, же́зле мона́хов и миря́н.

Ра́дуйся, Всецари́це, неду́ги на́ша благода́тию исцеля́ющая.

Кондак 3

Си́ла Вы́шняго осени́вши Тя, Отрокови́це, плоть прия́т неизрече́нно, показа́ Тя село́ сла́дкое хотя́щим жа́ти спасе́ние и пою́щим: Аллилу́ия.

Икос 3

Просла́вися ди́вно свята́я ико́на Твоя́ «Всецари́ца» имену́емая, егда́ цельбоно́сно яви́ся Твое́ Богома́ти, изображе́ние; вопию́щим же пред ним с ве́рою исцеле́ния подае́ши, да умножа́ются пе́сни сицевы́я:

Ра́дуйся, Ма́ти незаходи́маго Све́та; ра́дуйся, претерпе́вших до конца́ побе́до.

Ра́дуйся, в боле́знех и ско́рбех су́щим врачева́ние;

ра́дуйся, сирóт и вдови́ц неруши́мая стено́.

Ра́дуйся, две́ри ра́йския отверза́ющая; ра́дуйся, тружда́ющихся и обремене́нных заступа́ющая.

Ра́дуйся, о спасе́нии ве́рных хода́таице;

ра́дуйся, за род челове́ческий моли́твеннице.

Ра́дуйся, ле́ствице небе́сная, возводя́щая от земли́ к небеси́;

ра́дуйся, водо́ жива́я, омыва́ющая сме́ртныя грехи́.

Ра́дуйся, агнице, сердца́ незло́бивых храня́щая;

ра́дуйся, покро́ве, чад Це́ркве осеня́ющий.

Ра́дуйся, Всецари́це, неду́ги на́ша благода́тию исцеля́ющая.

Кондак 4

Живо́т ми́рови да́руя, Влады́ка ми́ра всели́ся во утро́бу Твою́ неискусому́жно, Ма́терь ве́рных Тя показа́в, в ми́ре тех воспева́ти призва́: Аллилу́ия.

Продолжить чтение

Вам может понравиться: